Fréttir

Í dag var undirritaður samstarfssamningur við Hertz bílaleigu. Hertz bílaleiga verður næstu tvö árin aðal stuðningsaðili Íshokkísambands Íslands.

Bikarkeppni Íshokkísambands Íslands, Lýsibikarinn, fór vel af stað föstudaginn 30. ágúst þegar SR tók á móti Fjölni/Birninum í Skautahöllinni í Laugardal. Hörkuspennandi leikur þar sem liðin tókust á og var leikurinn jafn framanaf. Lokaúrslit leiksins 4-1 fyrir SR. Sunnudaginn 1. september tók SA á móti Fjölni/Björninn og ekki var nú spennan síðri fyrir norðan. Leikurinn fór í framlengingu og enginn annar en Ingvar Jónsson sem skoraði gullmark og lokaúrslit 3-2 fyrir SA.

Lýsibikarinn er bikarkeppni Íshokkísambands Íslands, þátttakendur eru meistaraflokkur karla í aðildarfélögunum þremur, Skautafélag Akureyrar, Skautafélag Reykjavíkur og íshokkídeild Fjölnis, Björninn.

Námskeiðið er fyrir alla áhugasama íshokkí iðkenndur. Frábært tækifæri til að kynna sér reglurnar betur og góður undirbúningur fyrir komandi tímabil.

Landsliðsverkefni Íshokkísambands Íslands verða fjölmörg á komandi tímabili. Landslið Íslands í íshokkí munu taka þátt í fjórum heimsmeistaramótum, vetur og vor 2020.