Fréttir

Um helgina fór fram Bautabikarmótið í 4. flokki en mótið var á Akureyri.

Björninn og Ynjur áttust við í Hertz-deild kvenna síðastliðinn laugardag. Leiknum lauk með sigri Ynja sem gerðu átta mörk gegn einu marki Bjarnarkvenna.

Einn leikur fer fram í Hertz-deildinni um helgina en þá mætast Björninn og Ynjur í kvennaflokki. Auk þess státar helgin af leik í 2. flokki ásamt helgarmóti í 4. flokki.

Magnús Blarand þjálfari U20 ára landsliðs hefur ásamt aðstoðarþjálfara sínum Gauta Þormóðssyni valið 24 leikmenn sem koma til greina í hópinn sem heldur til Mexíkó í janúar.

Á síðastliðnu Íshokkíþingi voru gerðar breytingar á lögum ÍHÍ.

SA Víkingar og Björninn áttust við í hörkuspennandi leik í Hertz-deildinni í gærkvöld og réðust úrslit ekki fyrr en í framlengingu þegar Jussi Sipponen skoraði gullmarkið sem skildi liðin að í lokin.

Annar leikur kvöldsins í HERTZ-deildinni var leikur SR og UMFK Esju sem fram fór í Laugardalnum. Leiknum lauk með sigri SR-inga sem gerðu átta mörk gegn fimm mörkum Esju.

Íshokkísamband Íslands (ÍHÍ) og HERTZ bílaleiga undirrituðu í dag samstarfssamning um að HERTZ yrði aðalstuðningsaðili ÍHÍ en HERTZ er ein af stæðstu bílaleigum landsins.

Tveir leikir verða leiknir í kvöld í HERTZ-deildinni og eru þeir báðir í meistaraflokki karla.

Skautafélag Reykjavíkur bar sigurorð af Birninum með þremur mörkum gegn tveimur í hörkuspennandi leik sem fram fór í Egilshöllinni sl. laugardagskvöld.