Fréttir

Síðastliðið fimmtudagskvöld var oddaleikur í Úrslitakeppni Hertz-deild karla þar sem Skautafélag Akureyrar og Skautafélag Reykjavíkur leiddu saman hesta sína. Var þetta í fyrsta skipti í 10 ár þar sem úslitakeppnin fer í oddaleik en síðasta voru það lið Skautafélags Akureyrar og Bjarnarins (nú Fjölnis) sem áttust við þá.

Í kvöld munu ríkjandi Íslandsmeistarar hjá Skautafélagi Akureyrar taka á móti Skautafélagi Reykjavíkur í oddaleik í Úrslitakeppni Hertz-deildar karla. Langt er um liðið síðan úrslitakeppnin fór í oddaleik í Hertz-deild karla eða um 10 ár.

Undanfarnar vikur hafa verið birt viðtöl við fólk úr ýmsum áttum úr íslensku íshokkíhreyfingunni á vefnum ishokki.is. Sunna Björgvinsdóttir, Hákon Marteinn Magnússon og Sarah Smiley ræddu við Atla Stein Guðmundsson, blaðamann, um lífið og tilveruna í íshokkí bæði á Íslandi og erlendis.

Í kvöld var fyrsti leikur í Úrslitakeppni Hertz-deildar karla og var hann leikinn norður á Akureyri fyrir fullu húsi og stemmningin þar hreint út sagt frábær. Vinna þarf 3 leikir til að hampa íslandsmeistaratitlinum og hafa SA Víkingar unnið þann titil síðustu 4 ár. Liðsmenn Skautafélags Reykavíkur mættu hinsvegar einbeittir til leiks í kvöld og uppskráru sigur 3 - 7. Næsti leikur er í Skautahöllinni í Laugardal næstkomandi fimmtudag, 23.mars, kl.19:45.

Í dag er síðasti keppnisdagur á heimsmeistaramóti U18 í Skautahöllinni á Akureyri. Sjálfur gull leikurinn hefst kl. 18:00 þegar Ísland mætir Ísrael í hreinum úrslitaleik. Áhorfendur hafa fyllt höllina á öllum leikjum Íslands í vikunni og vonandi heldur þessi gríðarlega mikilvægi stuðningur áfram í kvöld. Það er rétt að ítreka það að leikurinn hefst kl 18:00 í kvöld en ekki kl. 20:00 líkt og fyrri leikir liðsins.

Í gærkvöldi átti íslenska liðið nokkuð auðveldan sigur á liði Lúxemborg sem óhætt er að segja að hafa ekki riðið feitum hesti frá sínum viðureignum á þessu móti. Loturnar fóru 3 - 0, 3 - 0 og 7 - 0 og satt best að segja hefðu mörkin getað orðið fleiri. Gestirnir stóðu ágætlega í okkar drengjum framan af, en þegar leið nær lokum leiksins var þeim öllum lokið. Íslenska liðið átti 59 skot á móti 16. 13 leikmenn voru með stig í leiknum og Þórir Aspar og Sigurgeir Söruson skiptu með sér vaktinni á milli stanganna.

Ísland gerði sér lítið fyrir í gærkvöldi og lagði Tyrkland að velli með 8 mörkum gegn 4. Ísland var sterkari aðilinn allan leikinn en gestirnir voru samt aldrei langt undan. Loturnar fóru 3 – 1, 3 - 2 og 2 -1 og sigurinn var í raun aldrei í hættu. Íslenska liðið er enn með fullt hús stiga og mætir í dag Lúxemborg sem hefur átt erfitt uppdráttar í þessari keppni og tapað öllum sínum leikjum stórt. Ef fer sem horfir þá verður leikurinn á laugardaginn við Ísrael leikurinn um gullið.