Fréttir

Í kvöld spilaði karlalandsliðið æfingaleik við Ástralíu sem hingað er komið til lands fyrst keppnisliða. Það er skemmst frá því að segja að liðin skildu jöfn, 2 – 2 en óhætt er að segja að liðin séu jöfn að styrkleika. Fyrsta lotan var markalaus en í 2. lotu steig íslenska liðið upp og var miklu hreyfanlegra á sama tíma og áströlsku leikmennirnir virkuðu þreyttir.

Björn Róbert Sigurðarson sem spilar í hinni geysisterku NAHL deild í Bandaríkjunum er nú á heimleið eftir að lið hans, Aberdeen Wings datt út úr úrslitakeppninni þar vestra. Björn Róbert er öflugur leikmaður sem þrátt fyrir ungan aldur kemur með mikla leikreynslu inn í liðið og mun styrkja sóknarleikinn hjá liðinu enn frekar.

Á mánudaginn n.k. 13. apríl, hefst Heimsmeistaramót karla í íshokkí, 2. deild A-riðill hér í Reykjavík. Auk Íslands eru þátttökuþjóðirnar Ástralía, Belgía, Serbía, Rúmenía og Spánn. Mótið fer fram í Laugadalnum og fyrsti leikur mótsins verður á milli Spánverja og Ástrala kl. 13:00 á mánudaginn. Aðalleikur dagsins verður hins vegar formlegur opnunarleikur mótsins þegar Íslands tekur á móti Belgíu kl. 20:00. Annars er dagskráin hjá íslenska liðinu eftirfarandi:

Tók því miður ekki mikið af myndum í dag en hér er smá samantekt. Vídeóin eru í fullri lengd í möppunni góðu. Eins og þið vitið þá náðum við að landa sigri enn einu sinni með dramatískum hætti. Þessir snillingar eru ekkert að fara auðveldu leiðina að þessu.

Góðan daginn héðan frá Taiwan. Eftir erfiðan leik í gær voru strákarnir nokkuð lúnir. Enda ekki skrýtið þar sem þetta var hörkuleikur. Mexikóarnir spiluðu mun fastar en við vorum búnir að sjá þá gegn öðrum liðum. Það kom okkar strákum töluvert á óvart og varð til þess að það tók þá tíma að bregðast við.

Við höldum áfram að henda hérna inn foreldradagbókinni af Facebook. Myndbönd og myndir eru svo á sínum stað einsog áður.

Í dag er enginn leikur hjá okkur. En að sjálfsögðu er æfing og strákarnir mættu á svellið kl. 9:15. Fyrsta verk var að stilla sér upp fyrir ljósmyndara til þess að taka liðsmynd. Og eins og þið sjáið þá er þetta glæsilegur hópur.

Við höldum bara áfram að birta facebook færslur fararstjórans þótt við séum svolítið eftirá. Það sem öllu máli skiptir er að gullið er okkar.

Á meðan HM-mót í karlaflokki er undirbúið á fullu hérna heima er U18 ára liðið okkar statt í Taívan á HM-móti þar. Árni Geir fararstjóri hefur skrifað fréttir á facebook síðu liðsins til að halda foreldrum unganna upplýstum um hvað er í gangi. Við skellum parti af því hér á síðuna hjá okkur svona til að halda sögunni til haga.

Fimmti leikurinn í úrslitum fór fram í gærkvöld þegar Skautafélag Reykjavíkur tók á móti Skautafélagi Akureyrar. Leiknum lauk með sigri SA sem gerði sjö mörk án þess að SR-inum tækist að svara fyrir sig. Með sigrinum tryggðu Skautafélag Akureyrar sér íslandsmeistaratitilinn 2015 en liðið vann seríuna 4 - 1.