Fréttir

Á morgun, laugardag, lokar glugginn fyrir erlend félagaskipti og er þá bæði innlendur og erlendur félagaskiptagluggi lokaður það sem eftir lifir tímabils.

Skautafélag Reykjavíkur og Björninn í kvennaflokki áttust við í gærkvöld og fór viðureignin fram í Laugardalnum. Leiknum lauk með sigri gestanna úr Birninum sem gerðu tíu mörk án þess að heimakonur næðu að svara fyrir sig.

Leikir kvöldsins eru tveir að þessu sinni og fara báðir fram sunnan heiða.

Einsog kom fram hérna á síðunni á föstudaginn var Brynjumótið haldið á Akureyri um helgina. Í Brynjumótinu mætast lið í 5; 6. og 7. flokki og er mikið gaman í gangi.

SA Víkingar og UMFK Esja mættust síðastliðið laugardagskvöld á Akureyri. Leiknum lauk með sigri Esju sem gerði fjögur mörk gegn þremur mörkum Víkinga. Með sigrinum lyfti Esja sér upp í þriðja sæti deildarinnar en Víkingar eru enn efstir með sjö stiga forskot á Björninn sem er í öðru sæti.

Ein af stærri hokkíhelgum vetrarins fer fram um helgina en allt í allt er þrjátíuogþrír leikir á dagskrá og allir fara þeir fram á Akureyri.

Á fésbókinni má nú finna síðu er nefnist Hokkíeyjan (áður NHL Ísland) en einsog nafnið gefur til kynna er síðan ætluð áhugafólki um hokkí. Síðan er rekin af fjórum félögum sem allir hafa mikinn áhuga á hokkí og fjallar um allt sem tengist íshokkí, bæði heima og erlendis.

Einsog fram kemur á heimasíðu Alþjóða Íshokkísambandsins (IIHF) hefur dómurum verið úthlutað verkefnum á komandi heimsmeistaramótum keppnistímabilsins með þeirri undantekningu að endanleg ákvörðun um efstu deildina verður ekki tekin fyrr en í febrúar á næsta ári.

Björninn og Skautafélag Reykjavíkur áttust við á íslandsmóti karla í íshokkí í kvöld og lauk leiknum með sigri Bjarnarins sem gerði þrjú mörk gegn tveimur mörkum SR-inga eftir að staðan hafði verið jöfn að loknum hefðbundnum leiktíma.

Leikur kvöldsins að þessu sinni er leikur Bjarnarins og Skautafélags Reykjavíkur í karlaflokki og fer hann fram í Egilshöll og hefst klukkan 19.40. Liðin hafa mæst þrisvar sinnum áður á þessu tímabili og í þeim leikjum hefur Björninn tvisvar sinnum farið með sigur af hólmi en SR-ingar einusinni.