Fréttir

Skautafélag Akureyrar bar í gærkvöld sigurorð af Birninum í þriðja leik liðanna í úrslitakeppni karla um íslandsmeistaratitilinn. Leiknum lauk 5 – 4 eftir framlengingu og vítakeppni þar sem Björn Már Jakobsson skoraði markið sem skildi liðin að.

Þriðji leikur í úrslitum karla fer fram í dag þegar Skautafélag Akureyrar tekur á móti Birninum.

Annar leikur Bjarnarins og Skautafélags Akureyrar í úrslitum í karlaflokki fór fram í Egilshöll í gærkvöld. Leiknum lauk með sigri Skautafélags Akureyrar sem gerði 8 mörk gegn 4 mörkum Bjarnarmanna. Með sigrinum náðu SA-menn að jafna stöðuna í einvíginu en bæði liðin hafa unnið einn leik.

Annar leikur í úrslitakeppni karla fer fram í kvöld.

Fyrsti leikur Skautafélags Akureyrar og Bjarnarins í úrslitakeppni karla fór fram á Akureyri í gærkvöld. Leiknum lauk með sigri Bjarnarins sem gerði fjögur mörk gegn þremur mörkum SA-manna.

Einsog kom fram hjá okkur hér í gær er fyrsti leikur í úrslitakeppni karla í kvöld.

Á morgun þriðjudag, hefst úrslitakeppnin í meistaraflokki karla í íshokkí. Að þessu sinni leika SA og Björninn til úrslita og fer fyrsti leikurinn fram í Skautahöllinni á Akureyri og hefst klukkan 19.30. Það lið sem verður á undan að vinna þrjá leiki verður krýnt íslandsmeistari. Leikið verður annan hvern dag þangað til úrslit fást.

Nú er komið að því að loka ferðinni. Einsog flestir vita vonandi vann íslenska liðið síðasta leikinn sinn í keppninni en þá mætti liðið Ástralíu og fóru leikar svo að íslenska liðið skoraði fimm mörk en andfætlingarnir tvö.

Æfingin sem minnst var á í síðasta pistli gekk einsog til var ætlast.

Segja má að algjör rútína sé nú komin á ferðalag U18 ára landsliðsins til Belgrad í Serbíu.