Fréttir

Nú þarf að fara að ganga frá greiðslu vegnar ferðarinnar til Serbíu.

Kvennalandsliðið vann öruggan sigur á Suður Afríku í dag með 6 mörkum gegn 2 og er í þriðja sæti á eftir liðum Póllands og Spánar þegar síðasti leikdagur er eftir. Flosrún Jóhannesdóttir var valin maður leiksins í Íslenska liðinu.

Sergei Zak og Daniel Kolar hafa ákveðið að hafa æfingu á morgun fimmtudag.

Björninn og Skautafélag Reykjavíkur léku fjórða leik sinn í úrslitakeppninni í íshokkí í gærkvöld og fór leikurinn fram í Egilshöll. Leiknum lauk með sigri Bjarnarins sem gerði 7 mörk gegn 4 mörkum SR-inga. Með sigrinum tryggðu Bjarnarmenn sér íslandsmeistaratitilinn í meistaraflokki karla þetta tímabilið en þetta er jafnframt í fyrsta skiptið sem félagið hampar titlinum í karlaflokki.

Þá eru þrír leikir búnir (lýsingar í fréttum á forsíðu) og tveir eftir við Suður Afríku á morgun og Spán á föstudag. Stelpurnar okkar eru í fjórða sæti með 4 stig en eitt stig skilur af liðin í öðru til fimmta sæti þannig að enn eru verðlaunasæti í boði. Pólland trónir á toppnum með 9 stig.

Handbók vegna ferðarinnar er komin á netið.

Þá er komið að þriðja leik íslenska kvennalandsliðsins á HM IIb í S.Kóreu að þessu sinni gegn Pólverjum. Póska liðið hefur unnið báða sína leiki gegn Spánverjum og Belgum og eru með fjölmennt og sterkt lið. Íslenska liðið vann einnig Belga en háði jafna baráttu við Kóreumenn sem höfðu sigur í vítakeppni eftir framlengingu. Það er því búist við æsispennandi leik þar sem stúlkurnar okkar þurfa að láta allt ganga upp til að fara með sigur af hólmi.

Á morgun, þriðjudag, verður leikinn fjórði leikurinn í úrslitarimmunni um íslandsmeistaratitilinn.

Á laugardagskvöld léku í Skautahöllinni í Laugardal lið Skautafélags Reykjavíkur og Bjarnarins . Leikurinn var þriðji leikurinn í úrslitarimmu liðanna um íslandsmeistaratitilinn og lauk með sigri Bjarnarins sem gerði fjögur mörk gegn tveimur mörkum SR-inga.

Annar leikur íslenska liðsins í riðli IIb á HM í S.Kóreu gegn heimamönnum. Eftir sigur í gær á Belgum mæta stúlkurnar fullar sjálfstrausts og ákveðnar að halda áfram á sigurbraut. Lýsing á leiknum kemur hér á eftir.