Fréttir

UMFK Esja bar á laugardagskvöld sigurorð af Skautafélagi Reykjavíkur með fimm mörkum gegn fjórum eftir að jafnt hafði verið að loknum hefðbundnum leiktíma, 4 – 4.

SA Víkingar bættu við þremur stigum í sarpinn þegar þeir lögðu Björninn af velli 5 – 2 þegar liðin mættust á Akureyri sl. laugardag.

Eftir stutt frí í karlaflokki, vegna þátttöku í undankeppni Ólympíuleika, hefst íslandsmótið hjá þeim aftur á morgun laugardag með tveimur leikjum.

Um síðastliðna helgi fóru fram fyrstu æfingabúðir hjá kvennalandsliðinu og var mæting með ágætum en búðirnar fóru fram á Akureyri.

Á Akureyri mættust mættust í gærkvöld Ynjur og Ásynjur í kvennaflokki. Leiknum lauk með sigri Ásynja sem gerðu þrjú mörk gegn tveimur mörkum Ynja. Leikir liðanna síðustu ár hafa oft verið spennandi og hart barist. Athygli vakti að mæðgur öttu kappi en Guðrún Blöndal lék með Ásynjum en dóttir hennar, Saga Líf Sigurðardóttir, með Ynjum.

Björninn bar í gærkvöld sigurorð af Skautafélagi Reykjavíkur með átján mörkum gegn þremur í meistaraflokki kvenna en leikurinn fór fram í Laugardalnum. Margir leikmannanna, rétt einsog í hinum kvennaleiknum sem fór fram í gærkvöldi, mættu ferskir eftir góða helgi við landsliðsæfingar á Akureyri.

Leikir kvöldsins að þessu sinni eru tveir og báðir í kvennaflokki en spilað verður á Akureyri og í Reykjavík.

Íslenska karlalandsliðið tók þátt í undankeppni Ólympíuleikanna í fyrsta skipti um liðna helgi en keppnin fór fram í Valdemoro á Spáni.

Íslenska karlalandsliðið í íshokkí hélt í gærmorgun til Valdemoro á Spáni þar sem liðið mun taka þátt í undankeppni fyrir vetrarólympíuleikana sem fara fram í Pyeongchang í Suður-Kóreu 2018. Þetta er í fyrsta skipti sem íslenskt landslið í íshokkí tekur þátt í undankeppni Ólympíuleika.