Fréttir

UMFK Esja bar í gærkvöld sigurorð af Skautafélagi Reykjavíkur með átta mörk gegn fimm mörkum SR-inga. Þrátt fyrir að SR-ingar léku án sóknarmannanna Miloslav Racancky og Daníel Steinþórs Magnússonar náðu þeir að koma fleiri skotum á mark en Esja dugði það ekki til.

Ynjur og Björninn hófu árið í Hertz-deild kvenna á Akureyri í gær, sunnudag, en þá báru heimakonur sigurorð af Birninum með tíu mörkum gegn engu.

Fyrsti leikurinn í Hertz-deild karla í íshokkí fór fram í kvöld þegar Björninn bar sigurorð af SA Víkingum með átta mörkum gegn fimm en leikurinn fór fram á Akureyri.

Magnus Blarand þjálfari landsliðs leikmanna tuttugu ára og yngri hefur ásamt aðstoðaraþjálfara sínum, Gauta Þormóðssyni valið hópinn sem heldur tíl Mexíkó rétt fyrir miðjan janúar.

Síðasti leikur ársins í Hertz-deildinni var leikur Ásynja og Ynja og fór leikurinn fram á Akureyri. Leiknum lauk með sigri Ásynja sem gerðu tvö mörk án þess að Ynjur næðu að svara fyrir sig.

Síðasti leikur í Hertz-deildinni á árinu er í kvöld en þá mætast Ásynjur og Ynjur í kvennaflokki. Leikurinn fer að sjálfsögðu fram á Akureyri og hefst klukkan 19.30.

UMFK Esja og SA Víkingar mættust í síðari leik helgarinnar í Hertz-deild karla en leikurinn fór fram á laugardagskvöld.

Fyrri leikurinn í karlaflokki í Hertz-deildinni fór fram síðastliðinn föstudag þegar Skautafélag Reykjavíkur og Björninn mættust. Leiknum lauk með sigri Bjarnarmanna sem gerðu fimm mörk gegn fjórum mörkum SR-inga. Það þarf ekki að koma á óvart að leikurinn hafi verið jafn því þetta var fjórði leikurinn í röð, þegar þessi lið mætast, þar sem einu marki munar á liðunum í leikslok.

Íshokkíkona ársins 2015 er varnarmaðurinn Guðrún Marín Viðarsdóttir frá Akureyri.

Íshokkímaður ársins er sóknarmaðurinn Úlfar Jón Andrésson.