Fréttir

Íslandsmótið í Hertz deild kvenna heldur áfram í dag þegar Fjölnir tekur á móti SA í Egilshöllinni í Grafarvogi kl. 16:45. Leikir liðanna hafa verið jafnir og spennandi í vetur og því má reikna með skemmtilegri viðureign. SA hefur nokkur forskot í deildinni og er með 27 stig eftir 10 leiki eða 9 sigra og 1 tap. Fjölnir er með 12 stig eftir 8 leiki eða 4 sigra og 4 töp. Deildarkeppnin er nú u.þ.b. hálfnuð en hvert lið spilar 16 leiki í deild áður en tvö stigahærri liðin taka svo slaginn í úrslitakeppninni.

Ísland vann Búlgaríu 4-3 í æsispennandi leik í kvöld, leik sem þróaðist á mjög sérstakan hátt og var á margan hátt óvenjulegur. Í fyrstu lotu voru yfirburðir Íslands miklir og liðið var með pökkinn nánast alla lotuna og á með við áttum á þriðja tug skota áttu Búlgarar aðeins eitt skot á mark. Þrátt fyrir það var staðan aðeins 1-0 okkur vil eftir mark frá Andra Mikaelssyni í "powerplay" eða þegar við vorum einum leikmanni fleiri. Í annarri lotu gekk hins vegar hvorki né rak og Búlgarir gengu á lagið og náðu forystunni með tveimur mörkum með skömmu millibili. Kári Arnarsson jafnaði leikinn fyrir Ísland rétt fyrir lok lotunnar og það var mjög mikilvægt á þessum tímapunkti í leiknum.

Undankeppni Ólympíuleikanna hófst í dag með tveimur leikjum. Fyrri leikur dagsins var leikur kattarins að músinni þegar Eistland vann heldur auðveldan 21 - 0 sigur á Búlgaríu. Kl 19:00 hófst svo leikur Íslands og Suður Afríku. Það er langt síðan þessi tvö lið mættust síðast en það er gaman að segja frá því að þegar Ísland tók fyrst þátt á heimsmeistaramóti með fullorðinslið, þá var það í Suður Afríku árið 1999 og þá áttum við ekki roð í gestgjafanna. En nú er öldin önnur og yfirburðir Íslands voru töluverðir. Leiknum lauk með 9 - 0 sigri og tölfræðin er öll á sama veg og t.d. vorum við með 47 skot á móti 9 frá gestunum. Í íslenska markinu stóð Jóhann Björgvin Ragnarsson og hélt hreinu og það er síður en svo auðvelt þegar skotin eru svona fá.

Í íþróttafréttum RÚV á sunnudagskvöldið síðasta, 12. nóvember, var fjallað um mál Guðlaugar I. Þorsteinsdóttur, varaformann ÍHÍ og formann dómaranefndar. Málið á upptök sín að rekja til ársins 2013 og endar 2014 þegar hún var dregin út úr landsliðshóp á miðju heimsmeistaramóti sem fram fór í Reykjavík.

U18 landslið kvenna er í óðaönn að koma sér fyrir í Jaca á Spáni þar sem þær hafa nú æft og munu spila á Four Nations mótinu sem hefst á föstudaginn 10. nóvermber.

U18 kvennalandslið Íslands heldur af stað í dag til Jaca á Spáni til að taka þátt í 4Nations mótinu. Mótið er hluti af mótaröð sem Íslands, Spánn, Pólland og Bretland taka þátt í og skiptast á að halda. Ísland hélt þetta mót árið 2021.