Fréttir

Vladimir Kolek og Sami Lehtinen landsliðsþjálfarar karla í íshokkí hafa valið lokahóp landslið karla sem tekur þátt í undankeppni Olympíuleikanna í Rúmeníu 12. - 15. desember 2019. Þátttökuþjóðir auk Íslands eru Rúmenía, Ísrael og Kyrgystan. Sigurvegarar úr þessum riðli munu svo taka þátt í þriðju umferð undankeppninnar í febrúar 2020.

Vladimir Kolek og Miloslav Racansky hafa valið úrtaks-æfingahóp fyrir landslið U20. Landsliðsæfingin verður haldin í Skautahöllinni á Akureyri 20. – 22. desember 2019. Mæting er kl 19:00 föstudaginn 20. desember 2020.

SR mótið í íshokkí 2019 verður haldið helgina 22. - 24. nóvember 2019. Um 170 krakkar í U12, U10 og U8 (5. 6. og 7.fl) munu taka þátt í mótinu og þar af eru hátt í helmingur stúlkur. Um er að ræða eitt fjölmennasta SR mót frá upphafi. Gífurleg fjölgun hefur átt sér stað að undanförnu og hér munum við sjá framtíðar leikmenn hreyfingarinnar.

Íshokkísamband Íslands (ÍHÍ) hefur þegið boð um að taka þátt í æfingamóti stúlkna í íshokkí. Þátttökuþjóðir auk Íslands eru Pólland, Spánn og Bretland. Ísland sendir landslið U20 en aðrar þátttökuþjóðir U18. Mótið verður haldið í Dumfries, Skotlandi núna um helgina 8. – 10. nóvember.

Miloslav Racanský og Hafþór Andri Sigrúnarson landsliðsþjálfarar U18 hafa valið landsliðsæfingahóp sem mun koma til landsliðsæfingar 8.-10. nóvember næstkomandi. Landsliðsæfingin verður í Skautahöllinni á Akureyri. Nánari dagskrá landsliðsæfingar mun verða birt á spjallsíðu hópsins á Facebook.

Í kvöld mætast Fjölnir/Björninn og SR í Egilshöll, í Hertz-deild karla. Leikurinn hefst kl 19:45 og má búast við hörkuleik.

Alþjóða íshokkísambandið (IIHF) hefur boðið sjö dómurum Íshokkísambands Íslands (ÍHÍ) að taka þátt í dómgæslu á heimsmeistaramótum IIHF þetta tímabilið. Óli Þór Gunnarsson, Sindri Gunnarsson, Leon Hafsteinsson, Guðlaug Ingibjörg Þorsteinsdóttir, Sæmundur Þór Leifsson, Ingibjörg G. Hjartardóttir og Vilhelm Már Bjarnason fengu boð um þátttöku en því miður þá verður Vilhelm upptekinn á þeim tíma sem hann fékk úthlutað og kemst því ekki að sinni.