Fréttir

Á fésbókinni má nú finna síðu er nefnist Hokkíeyjan (áður NHL Ísland) en einsog nafnið gefur til kynna er síðan ætluð áhugafólki um hokkí. Síðan er rekin af fjórum félögum sem allir hafa mikinn áhuga á hokkí og fjallar um allt sem tengist íshokkí, bæði heima og erlendis.

Einsog fram kemur á heimasíðu Alþjóða Íshokkísambandsins (IIHF) hefur dómurum verið úthlutað verkefnum á komandi heimsmeistaramótum keppnistímabilsins með þeirri undantekningu að endanleg ákvörðun um efstu deildina verður ekki tekin fyrr en í febrúar á næsta ári.

Björninn og Skautafélag Reykjavíkur áttust við á íslandsmóti karla í íshokkí í kvöld og lauk leiknum með sigri Bjarnarins sem gerði þrjú mörk gegn tveimur mörkum SR-inga eftir að staðan hafði verið jöfn að loknum hefðbundnum leiktíma.

Leikur kvöldsins að þessu sinni er leikur Bjarnarins og Skautafélags Reykjavíkur í karlaflokki og fer hann fram í Egilshöll og hefst klukkan 19.40. Liðin hafa mæst þrisvar sinnum áður á þessu tímabili og í þeim leikjum hefur Björninn tvisvar sinnum farið með sigur af hólmi en SR-ingar einusinni.

UMFK Esja og Björninn mættust síðastliðið laugardagskvöld í Laugardalnum. Leiknum lauk með sigri Bjarnarsins sem gerði fjögur mörk gegn þremur mörkum UMFK Esju. Þetta er í þriðja sinn sem liðin mætast á tímabilinu en í hinum tveimur leikjunum hafði Esja farið með nokkuð öruggan sigur af hólmi.

SA Víkingar tóku á laugardaginn á móti Skautafélagi Reykjavíkur á íslandsmóti karla í íshokkí og lauk leiknum með sigri heimamanna Víkinga sem gerður þrjú mörk gegn tveimur mörkum gestanna. Þetta er í þriðja sinn sem liðin mætast í vetur og í öll skiptin hafa Víkingar farið með sigur af hólmi þótt leikirnir hafa verið nokkuð jafnir.

Uppistaðan í hokkíhelginni að þessu sinni eru þrír leikir en tveir þeirra eru í meistaraflokki karla.

Einn leikur fór fram í gærkvöld í meistaraflokki kvenna en þá báru Ásynjur sigurorð af Ynjum með sjö mörkum gegn einu. Með sigrinum hafa Ásynjur náð fimm stiga forskoti á næsta lið sem eru Ynjur en bæði liðin hafa leikið fjóra leiki. Þarnæst koma Bjarnarkonur sjö stigum á eftir Ásynjum en eiga leik til góða.

Leikir kvöldsins eru tveir að þessu sinni og fara þeir fram norðan og sunnan heiða.