Fréttir

Fjórum ungum leikmönnum hefur verið bætt við í æfingahópinn hjá U18 ára liðinu.

Gerðar hafa verið breytingar á landsliðsæfingabúðum sem fyrirhugaðar eru um næstu helgi. Æfingar kvennaliðsins hafa verið færðar aftur til þarnæstu helgar og verður dagskráin fyrir þær auglýst nánar síðar.

Fyrsti leikurinn á íslandsmóti kvenna í íshokkí fór fram á laugardaginn en þá áttust við Ásynjur og Björnn. Leiknum lauk með sigri heimaliðsins, Ásynja, en þær gerður fimm mörk gegn tveimur mörkum Bjarnarstúlkna.

Fyrsti leikurinn á íslandsmóti karla í íshokkí fór fram á Akureyri á laugardag. Víkingar frá Akureyri tóku þar á móti Birninum úr Reykjavík og lauk leiknum með sigri gestanna úr Birninum sem gerðu 4 mörk gegn 3 mörkum heimamanna.

Af óviðráðanlegum orsökum er leik Víkinga og Jötna sem fara átti fram í kvöld á Akureyri frestað. Ný tímasetning leiksins verður auglýst síðar.

Valinn hefur verið æfingahópur kvennalandsliðs ÍHÍ sem tekur þátt í æfingabúðunum sem fara fram hér í Reykjavík um næstu helgi. Eftir að æfingabúðum er lokið verður fækkað í hópnum en þó verður endanlegur hópur ekki valinn fyrir en nær dregur heimsmeistaramótinu sem fram fer í Seoul í S-Kóreu í mars á næsta ári.

Valinn hefur verið æfingahópur ungmennalandsliða (U20/U18) ÍHÍ sem tekur þátt í æfingabúðunum sem fara fram hér í Reykjavík um næstu helgi. Hér er einungis um að ræða leikmenn sem æfa og leika með íslenskum félagsliðum. Listinn er ekki endanlegur og gæti því tekið breytingum.

Olaf Eller hefur ásamt þjálfurum félagasliða hér á Íslandi valið æfingahópinn sem tekur þátt í æfingabúðunum sem fara fram hér í Reykjavík um næstu helgi.

Fyrirhugaðar eru æfingabúðir hjá öllum landsliðum ÍHÍ um næstu helgi. Komin er dagskrá sem gæti þó tekið einhverjum breytingum þegar líður á vikuna.

Á morgun hefst hokkítímabilið og að þessu sinni eru það meistaraflokkur karla og kvenna sem ríða á vaðið. Leikið verður á Akureyri en í meistaraflokki karla mætast Víkingar og Björninn og hefst sá leikur klukkan 16.30. Strax að þeim leik loknum leika lið Valkyrja og Bjarnarins.