Íshokkísamband Íslands (ÍHÍ) hefur áhuga á að fá áhugasama einstaklinga innan hreyfingarinnar til að starfa í Landsliðsnefnd.
Okkur vantar tækjastjóra, sjúkraþjálfara, liðsstjóra, og aðra áhugasama þátttakendur í undirbúning, framkvæmd og frágang landsliðsæfinga og jafnvel þátttaka í landsliðsferðum á alþjóðamót.
Landsliðsstarf ÍHÍ er mjög metnaðarfullt og verður nóg að gera þetta starfsárið.
ÍHÍ mun halda tvö heimsmeistaramót á Íslandi 2020, HM kvenna á Akureyri í febrúar og HM karla í Reykjavík í apríl.
Landslið U20 mun taka þátt í heimsmeistaramóti í Búlgaríu í janúar og landslið U18 mun taka þátt í heimsmeistaramóti í Istanbúl í mars 2020.
Ásamt þessu þá tekur landslið karla þátt í undankeppni ólympíuleikanna, Olympic Qualification, í Rúmeníu, desember 2019.
Þessi landsliðsverkefni kalla á fjölda landsliðsæfinga og okkur vantar áhugasamt fólk til að taka þátt í þessu með okkur.
ÍHÍ stefnir á að efla allt landsliðsstarf til muna og við getum það með áhugasömum einstaklingum.
Formaður landsliðsnefndar er Þórhallur Viðarsson formaður ÍHÍ.
Vinsamlega skráið ykkur hér fyrir neðan og í kjölfarið mun formaður ÍHÍ halda fund með ykkur.
