SR - Húnar umfjöllun
Skautafélag Reykjavíkur og Húnar áttust við á íslandsmóti karla í gærkvöld. Leiknum lauk með sigri SR-inga sem gerðu fjögur mörk gegn tveimur mörkum Húna. Leikurinn var lengi vel jafn, liðin skiptust á að sækja en það voru Húnar sem hófu leikinn betur því Úlfar Jón Andrésson kom þeim yfir í fyrstu lotu en það var jafnframt eina mark lotunnar.
Í annarri lotu náðu SR-ingar á hinsvegar að jafna metin og komast yfir á stuttum kafla rétt fyrir miðja lotu. Fyrra markið átti Milosav Racansky en það síðara Zdenek Prochazka og SR-ingar fóru þvi með 2 – 1 forskot inn í leikhlé eftir aðra lotu.
SR-ingar bættu svo við tveimur mörkum rétt áður en síðasta lotan var hálfnuð og þar með var sigurinn nokkurn veginn í höfn. Fyrra markið átti fyrrnefndur Milosav Racansky en það síðara Styrmir Friðriksson eftir nokkurn vandræðagang í vörn Húna. Húnar áttu þó lokaorðið í leiknum og þar var aftur á ferðinni Úlfar Jón Andrésson.
Mörk/stoðsendingar SR:
Milosav Racansky 2/1
Zdenek Prochazka 1/2
Styrmir Friðriksson 1/0
Refsingar SR: 16 mínútur.
Mörk/stoðsendingar Húnar:
Úlfar Andrésson 2/0
Birkir Árnason 0/1
Refsingar Húnar: 16 mínútur.
Mynd: Hafsteinn Snær Þorsteinsson
HH