SR - Björninn umfjöllun
Björninn bar sigurorð af Skautafélagi Reykjavíkur með tveimur mörkum gegn einu sl. föstudag. Með sigrinum kom Björninn sér í efsta sæti deildarkeppninnar með stigi meira en lið SA sem átti leik til góða.
Leikurinn var bráðfjörugur og spennandi og bæði lið áttu ágætis marktækifæri. SR-ingar sóttu mikinn í fyrstu lotu en uppskáru einungis eitt mark en þar var að verki Jón Andri Óskarsson. Leikurinn jafnaðist síðan í annarri lotu en í henni náðu Bjarnarmenn að jafna þegar þeirr nýttur sér að vera manni fleiri á ísnum. Markið átti Lars Foder eftir stoðsendingu frá Nicolas Antonoff. Þeir félagar endurtóku svo leikinn í þriðju og síðustu lotunni og skoruðu markið mikilvæga sem gaf Birninum stigin þrjú.
Mörk/stoðsendingar SR:
Jón Andri Óskarsson 1/0
Miroslav Racansky 0/1
Refsingar SR: 14 mínútur
Mörk/stoðsendingar Björninn:
Lars Foder 2/0
Nicolas Antonoff 0/2
Refsingar Björninn: 12 mínútur.
Mynd: Hafsteinn Snær
HH