Miðar og miðaverð

Einsog íshokkífólk hefur tekið eftir er að bresta á HM-mót í karlflokki en mótið hefst nk. fimmtudag. 

Hægra meginn á vefnum hjá okkur er tengill inn á vefsíðu IIHF þar sem má sjá leikjauppröðun og þegar leikirnir hefjast koma úrslit og tölfræði þar einnig inn.

Á leiki sem leiknir eru klukkan 13.00 og 16.30 verður ekki innheimtur aðgangseyrir en á leiki íslenska liðsins sem leiknir eru klukkan 20.00 kostar kr. 1000.- inn. Frítt er fyrir börn yngri en 12 ára. Eingöngu eru seldir miðar við inngang og áhugamenn um íshokkí því hvattir til að mæta tímanlega.

Fyrsti leikur er klukkan 13.00 á fimmtudaginn en þá eigast við Króatar og Spánverjar en að þeim leik loknum leika Eistar og Serbar. Setning mótsins fer síðan fram klukkan 19.45 og strax að setningarathöfninni lokinni hefst leikur Íslands og Nýja-Sjálands.

HH