Sóttvarnarreglur ÍHÍ

Í framhaldi af auglýsingu heilbrigðisráðuneytisins (skoða hér) um takmörkun á samkomum vegna farsóttar, sem útgefin var 12. ágúst síðastliðinn hefur Íþrótta- og Ólympíusamband Íslands  (ÍSÍ)  og sóttvarnarlæknir staðfest sóttvarnarreglur Íshokkísambands Íslands (ÍHÍ) um sóttvarnir á æfingum og leikjum vegna COVID-19.

Íshokkísamband íslands leggur mikla áherslu á að vel takist til svo hægt verði að æfa og keppa  á komandi keppnistímabili.

Vinsamlega kynnið ykkur reglurnar mjög vel og kynnið þær sérstaklega vel fyrir starfsmönnum, þjálfurum og leikmönnum.

Reglurnar má finna á heimasíðu ÍHÍ, á hægri stiku, nálægt mótaskrá ÍHÍ.

Markmið þessara reglna er að tryggja að umgjörð leikja og æfinga verði með þeim hætti að hægt sé að æfa og keppa á Íslandi þrátt fyrir að COVID-19 sé við lýði í íslensku samfélagi og útlit fyrir að svo kunni að vera áfram næstu misseri.

Sóttvarnarreglur ÍHÍ gilda þar til annað er kynnt.

Í samræmi við þessar reglur ber aðildarfélögum ÍHÍ að tilkynna hver sé þeirra sóttvarnarfulltrúi og auglýsa það sérstaklega.