Hokkíhelgi
09.01.2009
Fjölmargir leikir fara fram á Íslandsmótinu í íshokkí um helgina. Hafist verður handa í kvöld með leik Skautafélags Reykjavíkur og Skautafélags Akureyrar í meistaraflokki karla og hefst leikurinn klukkan 21.00 og fer að sjálfsögðu fram í Laugardalnum. Smá breytingar hafa orðið á liðunum síðan fyrir áramót. Kári Valsson hefur verið að mæta á æfingar hjá SR-ingum og styrkir það vafalaust varnarleik liðsins. Á hinn bóginn er Arnþór Bjarnason horfinn á braut í bili og er það skarð fyrir skildi í sóknarleik liðsins. SA-menn sóttu hinsvegar um leikheimild fyrir Rúnar Rúnarsson sem leikið hefur og sungið í Danmörku undanfarin ár. Ekki er enn vitað hvort leikheimildin verður gengin í gegn fyrir kvöldið.
Þeir sem vilja síðan verða vitni að 110% leikgleði skella sér á 6. og 7. flokks mótið sem verður í Laugardalnum í fyrramálið en einsog flestir vita fer ÍHÍ að tilmælum ÍSÍ og telur ekki mörk í þessum leikjum. Það virðist engu breyta fyrir börnin því þau skemmta sér konunglega.
Um kvöldið leika síðan aftur meistaraflokkar Skautafélags Reykjavíkur og Skautafélags Reykjavíkur á sama stað en að þessu sinni hefst leikurinn klukkan 19.00. Strax að honum loknum leika síðan 3ji flokkur sömu liða.
Myndina tók Sigurgeir Haraldsson
HH
Þeir sem vilja síðan verða vitni að 110% leikgleði skella sér á 6. og 7. flokks mótið sem verður í Laugardalnum í fyrramálið en einsog flestir vita fer ÍHÍ að tilmælum ÍSÍ og telur ekki mörk í þessum leikjum. Það virðist engu breyta fyrir börnin því þau skemmta sér konunglega.
Um kvöldið leika síðan aftur meistaraflokkar Skautafélags Reykjavíkur og Skautafélags Reykjavíkur á sama stað en að þessu sinni hefst leikurinn klukkan 19.00. Strax að honum loknum leika síðan 3ji flokkur sömu liða.
Myndina tók Sigurgeir Haraldsson
HH