Hokkíhelgi
24.10.2008
Eitthvað voru menn farnir að hafa áhyggjur af því að fresta þyrfti leik eða leikjum Skautafélags Akureyrar og Skautafélags Reykjavíkur vegna slæmrar veðurspár. Það er nú aldeilis ekki upp á teningnum enda hefur nokkuð ræst úr spánni og í þessum skrifuðu orðum eru Akureyringar að tygja sig til brottfarar. Alls verða þrír leikir leiknir um helgina og fer sá fyrsti fram í kvöld klukkan 21.00 í Laugardalnum. Þar leika meistararflokkar liðanna og svo aftur á morgun klukkan 18.30. Að þeim leik loknum leikur 3ji flokkur þannig að nóg verður um að vera í Laugardalnum.
SA-menn vilja að sjálfsögðu hefna ófaranna síðan í fyrsta leik liðanna sem fram fór á Akureyri en þar komu SR-ingar mörgum á óvart með góðum sigri. Ekki er annað vitað en að allir leikmenn beggja liða séu heilir heilsu en aganefnd dæmdi þó Tómas Tjörva Ómarsson í leikbann núna skömmu fyrir hádegi.
HH
SA-menn vilja að sjálfsögðu hefna ófaranna síðan í fyrsta leik liðanna sem fram fór á Akureyri en þar komu SR-ingar mörgum á óvart með góðum sigri. Ekki er annað vitað en að allir leikmenn beggja liða séu heilir heilsu en aganefnd dæmdi þó Tómas Tjörva Ómarsson í leikbann núna skömmu fyrir hádegi.
HH